ثامن السبع العجايب (حامد زيد)

اسـمعي والكل منـا لـه هـواه ولـه ميولـه

لاتـمسين بكلامـك شعـره بـروس القرايـب

ان حكيتي مـا وفيـتي وان تحديتـي عـجولـه

تـحسبين ان كل فعل ٍ تفعلـه يمنـاك صايـب

تـحسبين انك خذيتي بالحـشى صولـة وجولـة

تـحسبين اني ذكرتـك مـع نسانيـس الهبايـب

والله انك لو ذبـحتـي خافقـي لألقـاك حولـه

عاشقة تشقي بقلب من طريق العشـق هايـب

كم رضيت اسكت عليك من القهر وانتي زعوله

خايف اضـحك وستفزك واهـجرك واعيش ذايب

ادعيتي انك خـجولة وادري ان ما انتي خـجولـة

وادري انك تـخجلين الشمس من فوق السحايـب

مايـحببنـي بقلبـك ياالهـنـوف الا فضـولـه

ولا ينسيني غرامك غيـر تكـرار المصايـب

عاشقـة جيتـي ورحتـي يالـحبيبـه يالعذولـه

لابنيتـي لـي طمـوح ولا تركتيهـا خرايـب

تستبيحيـن القلـوب وتستحقـيـن البطـولـة

واستحق اعيش بعـدك تايـب وامـوت تايـب

ياكثر ماشال قلبي شـي اكبـر مـن حمولـه

ولا عفيتي عن غلاه ولابـخـل لـك بالوهايـب

كنه ارحـم من هـمـال المـزن للزهـر بذبولـه

وانتي اقسى من هجير القيظ وسمـوم اللهايـب

وانتي ادرى في غلاك بداخلي شاللي يزولـه

وادخلي علـى الله واحفظـي ذيـك السبايـب

ماخبرت اللحظة اللـي حللـت قربـك تحولـه

ولا هقيت اني بشـدد للجفـا قلـب وركايـب

ولاهقيت انك تـحبيـن الزلـل وانتـي جفولـه

ولاهقيتـك تكرهينـي كثـر حبـك للطلايـب

كن قلبي في وصالـك وابـل ٍلحظـة نزولـه

وفي فراقك مثل دمعة تنحدر من عين شايـب

كنت ابي وقفت حبيبه تنهض القلـب بخمولـه

طامح بالعشق وانتـي عايبـه والحـظ عايـب

كنت ابيع الكون واشتري خافقك وظلال زولـه

كنت اثور اليا وطيتي بالقـدم شهـب الترايـب

كنت قصن كل كفـي غيـر كفـك مايطولـه

كنت قلب ودمعتين ودرب وجـروح عطايـب

كنت ابيع العمر كله ورخصه عرضه وطولـه

للعيون الـي هدبهـا ثامـن السبـع العجايـب

بس ابرضي لك غرورك واكسر القلب بذهولـه

وقتها ماكنت افكر صايـب او كنـت خايـب

والرجـل لـو ماتـحلـى بالشهامـه والرجولـة

صدقيني صعب يقدر يملـك قلـوب الحبايـب

صدقينـي مايوالـف خافـق البنـت بسهولـه

بالهوى يابنت حـواء غيـر طـلاب النشايـب

والسهر والعشق الاول والهـوى واللـي ينولـه

شي اقسى من هـمومك والعنه حاضر وغايـب

والهموم اللي دعتني من بعـد سـن الطفولـة

كلها ( من تحت راس العشق ) ملعون الصلايب

عذرا القصيده طويله لكنها جميله جدا

حامد ماعليه كلام والاروع دايماً القاه للقصيده
شكراً اخي

كنت ابي وقفت حبيبه تنهض القلـب بخمولـه

طامح بالعشق وانتـي عايبـه والحـظ عايـب

كنت ابيع الكون واشتري خافقك وظلال زولـه

كنت اثور اليا وطيتي بالقـدم شهـب الترايـب



رااااااااااااااااااائعه جدا


اعجبني الاختيار

يسلمووووووووووووووووووووووووووو

راااااااااااااااااائعه تسلمين على هذا النقل الجميل

شكرا لك اختي ولكن انا اختك مو اخوك

شكرا لك حامد زيد رائع في كل شي