بحر الهجيني

الهجيني نوع من الغناء الحر من ناحية الوزن ويمكن تأديته بدون مصاحبة أي آلة
على صوت إيقاع مشي الإبل مثلاً
وقد أقتبست لفظة (الهجيني ) من مسمى الهجن أو الأبل .
واقدم أنواع الهجيني هي قصائد شمّر وعنزة بالمملكة العربية السعودية .

وللهجيني شهرة في منطقتي الشمال والوسطى تختلف فيه القوالب الموسيقية من منطقة لأخرى
حيث تتدخل لهجة الشاعر إلى حد كبير في صياغة الألحان
والتي يرتجلها الشاعر الشعبي بما يتفق مع التراكيب اللفظية لقصائده الحرة .

وهو يأتي بعد بحر المسحوب من حيث الشهره وكثرة النظم عليه
وللهجيني أوزان
ألحان كثيرة و مختلفه مشتقة منه سنأتي على ذكر أشهرها بعد أن ننتهي من البحر الرئيسي وتفعيلاته :

( مستفعلن فاعلن فعلن ) لكلا الشطرين ...

حاول فقط أن تغني هذه التفعيلة على لحن معين ومن ثم أنظم عليها بيتك الأول
وكرر الغناء على نفس اللحن للتفعيلة فاذا تطابق اللحن فأنت قد تمكنت من وزن البيت عليها
وافعل نفس الشيء مع البيت الذي يليه

مثال للهجيني الذي يغنى على صوت أخفاف الهجن

تلعب بقلبي وانا طيعـك = وأنته سبب كل ماجانـي
وعني تنحت مرابيعـك = من ... وأنـت بلشانـي
وصارت لغيري منافيعك = عقب الغلا ليه تنسانـي
أنا اللي أشريك مابيعـك = لو كثروا فيـك لثمانـي

مثال للهجيني

ياعين لك بالهوى لفتـه = ما أنتي على دين لخواني
هو معجبك واحد شفتـه = عوده من الزين روياني

والهجيني عرف ب(طرقين) أو اكثر الهجيني القصير ومن امثلته
قول الامير محمد بن احمد السديري رحمه الله:

تلعب بقلبي وانا اطيعك = وأنته سبب كل ما جاني

أنا اللي أشريك ما ابيعك = لو غلقوا فيك الأثماني

قول الأمير خالد بن يزيد:

يستاهل العقـد لباسـه = يزهى به العقد في جيده
الماسة تلبـس الماسـه = ما زادها الجوهر تزيده

وقول الأمير خالد الفيصل:
تستاهل الحب نجديه = رفيعة الشان عجابه

*والهجيني الطويل أو (المرفوع) كما يسميه بعض الشعراء ومن أمثلته قول الشاعر الكبير عبدالله بن نايف بن عون:

يامل قلـب يسـج وفيـه دولاجـه
من هاجس بالضمايرقـام يدرجهـا

في معزل عن جميع الخلق وازعاجه
ما اسمع من الناس لوتكثر لجالجهـا

ماغير اهوجس تقول مضيع حاجـه
آخذ واسند على روحـي واهرجهـا

وادوج لوكـان مارجلـي بدواجـه
ادلّـه النفـس ليـن الله يفرجـهـا

يالله يالي بيدك الضيـق وافراجـه
ياخالق الخلـق ياقاضـي حوايجهـا

تفرج لعين الذي أغفـت بسوهاجـه
تجهز عليها الطواري لين تزعجهـا

بالصدر ضيقه ونوم العين هملاجـه
عيني من العام والسهـر متولجهـا

نوب سهرها شديـد ونـب نهاجـه
ومر تكن الدمـوع ومـر تزعجهـا

عليك ياللـي بقلبـي كـن وهاجـه
وهاج نار هوى الغربـي يسارجهـا

أبـو ثمـان تشـاد اللولـو لعاجـه
كن البرد يوم يضحك فـي مفالجهـا

ياروح روحي وجرح القلب واعلاجه
الطف بحال عليـك الهـم ساهجهـا

قلبي يناجيك بسلوب الهوى ناجه
يشكي لك الحال داخلهـا وخارجهـا

اما التفت لي وتم الوصـل بمواجـه
والا بـلا عشـرة هـذي نتايجهـا

وش ينفعك من حنين القلب وخلاجه
وجروحي اسبابها انت ولا تعالجهـا

بصوت الشاعر سعيد بن رحمه المري شيله

وهنا القصيده على الربابه بصوت عبيد عايش

هنا

وقول شاعر آخر:

وراك ما تزعجين الدمع يا عيني = على هنوف جديد اللبس يزهاها

وما دمنا في مجال اللبس يحسن بنا ان نذكر قول الشاعر الكبير عبدالله السلوم في اللبس حيث يقول من الهجيني القصير:

اللون ما هو دليل الثوب = الثوب يزهاه لباسه

وهنا من يرى ان للهجيني لحن أو (طرق) ثالث من مثل قول الشاعر:

يا وجودي عليها وجد من خاطر له = غره النوم عنها في فروع المظامي

وزن آخر
أضحك مع اللي ضحك والهم طاويني = طية شنون العرب لا دفقوا ماها
وراك ما تزعجين الدمع ياعيني = على هنوف جديد اللبس يزهاها

في الشمال :
يامل قلب على ميهاف = متولع والقدم حافي
عليك يابو ثمان رهاف = أنته سبب داي واتلافي

مثال آخر
والله لولا الحيا لانوح = كني كسير يملونه
خلوه وسط الفضا مسدوح = والجمر فوقه يملونه

مثال الهجيني في نجد
يامل قلب هواجيسه يسوقنه = سوق السواني على مطوية الجالي
في لاهب القيض ولا لاهب الكنه = والنفس والمال حاديه أشهب اللالي

وعروض الهيجني الرقميه كالأتي
بحر الهجيني وهو بحر البسيط بالفصيح

وارقامه

الهجيني = 4 3 2 3 4 3 4

كقول الشاعر القيصر ناصر الفراعنه

كاهن الشرق

فالقلب زولٍ رفع رجله على رجمه
ساعة تعلّى قدم رجلي على رجمي

ياكاهن الشرق كلن عارفن حجمه
ياكاهن الشرق لا حجمك ولا حجمي

كفرت بالكوكب المزعوم والنجمة
وأمنت باللي عليهم رافعن نجمي

يا2 كا2 هنش3 شر2 ق كل3 لن2 عا2 رفن3 حج2 مه2
يا2 كا2 هنش3 شر2 ق لا3 حج2 مك2 ولا3 حج2 مي2
= 4 3 2 3 4 3

كتبه حمد السحيمي
من عدة مصادر

يعطيك الف عافيه موضوووع راااااااااااائع
سلمت على هذا النقل
والهجيني من اقرب البحور لنفسي
رغم صعوبة الكتابه على بعض اوزانه
شكرا لك

موضوع رائع

وراك ما تزعجين الدمع يا عيني = على هنوف جديد اللبس يزهاها

أضحك مع اللي ضحك والهم طاويني = طية شنون العرب لا دفقوا ماها
وراك ما تزعجين الدمع ياعيني = على هنوف جديد اللبس يزهاها

دائما اشيلها انا وولدي بالبر وبالسفر احب الهجيني وابو الشباب يحاول تسلم مديرنا

اقتباس   المشاركة الأصلية كتبت بواسطة وضح النوايا يعطيك الف عافيه موضوووع راااااااااااائع سلمت على هذا النقل والهجيني من اقرب البحور لنفسي رغم صعوبة الكتابه على بعض اوزانه شكرا لك

الله يعافيك

الهجيني من افضل البحور

لكن كما قلتي لايستطيع كل الشعراء الكتابة على هذا البحر

اقتباس   المشاركة الأصلية كتبت بواسطة "..أموولهـ.." موضوع رائع

الاروع مرورك مشرفتنا الرائعة حضور ومتابعة

اقتباس   المشاركة الأصلية كتبت بواسطة @ نقطة عسل @ وراك ما تزعجين الدمع يا عيني = على هنوف جديد اللبس يزهاها أضحك مع اللي ضحك والهم طاويني = طية شنون العرب لا دفقوا ماها وراك ما تزعجين الدمع ياعيني = على هنوف جديد اللبس يزهاها دائما اشيلها انا وولدي بالبر وبالسفر احب الهجيني وابو الشباب يحاول تسلم مديرنا

هلا ام عبدالله

الهجيني بالبر والسفر متعة

والقصيدة مشهورة واختلف في شاعرها وهذة هي كاملة

عديت في مرقب ٍ و الليل ممسينـي
بديار غرب ٍ لعل السيـل مـا جاهـا

اضحك مع اللي ضحك و الهم طاويني
طية شنون العرب لا قطـرو ماهـا

و راك ما تزعجين الدمـع ياعينـي
على هنوف ٍ جديد اللبـس يزهاهـا

هبت هبوب الشمال و بردها شينـي
ما تدفي النـار لـو حنـا شعلناهـا

ما يدفي الا حشا مريوشـة العينـي
و الى ظمينا شربنـا مـن ثناياهـا

ياشبه و ضحى فتـاة ٍ دلهـا زينـي
داجت على عقلة ٍ و الورد ما جاهـا

ياعل من شار بالفرقى عمى العينـي
والا بشلفا علـى الفخذيـن مبراهـا

جعله حسير ٍ كسير و راكبـه دينـي
و اتلى حلالـه ذلـول ٍ راح يطلاهـا
وراك ما تزعجين الدمع يا عيني
علي هنوف جديد اللبس يزهاها

اقتباس ياعل من شار بالفرقى عمى العينـي والا بشلفا علـى الفخذيـن مبراهـا جعله حسير ٍ كسير و راكبـه دينـي و اتلى حلالـه ذلـول ٍ راح يطلاهـا

أأأأأأأأأأأأأأأأمين الفراق صعب

تسلم ياجعلك بالجنه انت ووالديك وام عبدالرحمن وعيالك والمسلمين

ياليت من يحفظها بجوالي تجنن <<<< طماعه

اقتباس   المشاركة الأصلية كتبت بواسطة @ نقطة عسل @ أأأأأأأأأأأأأأأأمين الفراق صعب تسلم ياجعلك بالجنه انت ووالديك وام عبدالرحمن وعيالك والمسلمين ياليت من يحفظها بجوالي تجنن <<<< طماعه

واياك ومن تحبين

هذا الرابط واحفظيها

http://www.5ymah.net/inf/voicesm/1674.ra

تم الحفظ وكل ماسمعتها ابدعيلك جزاك الله خير